Norvegjia ka siguruar një vend mes 16 skuadrave më të mira të “Botërorit 2026”, pas një fitoreje 2-1 ndaj Bregut të Fildishtë në raundin me eliminim direkt.

Skandinavët, të udhëhequr nga Erling Haaland, arritën të përmbysin një ndeshje të vështirë që u dominua për periudha të gjata nga kundërshtarët afrikanë.

Në pjesën e parë, Bregu i Fildishtë krijoi disa raste të pastra për gol, duke ushtruar presion të vazhdueshëm. Megjithatë, Norvegjia shënoi në rastin e parë të vërtetë.

“Deri në atë moment, Bregu i Fildishtë dominoi në pjesën e parë,” u theksua në zhvillimin e ndeshjes.

Goli i avantazhit erdhi në minutën e 39-të, kur Nusa finalizoi me sukses dhe i dha epërsinë Norvegjisë.

Në pjesën e dytë, afrikanët u rikthyen fuqishëm dhe arritën barazimin në minutën e 74-t, me gol të Amad Diallo, futbollistit të Manchester United.

Por vendimi i ndeshjes erdhi në minutat e fundit, me Haaland që shënoi golin e fitores dhe vulosi kualifikimin e Norvegjisë.

“Sulmuesi i Manchester City jetoi një tjetër mbrëmje të madhe të kurorëzuar edhe me një rekord personal, që sigurisht lidhet me golat,” u theksua për paraqitjen e tij.

Norvegjia vazhdon kështu rrugëtimin në turne, duke siguruar kualifikimin në fazën e 1/8-ave.