Analisti Ilir Demaliaj është dhunuar nga dy persona në afërsi të banesës së tij, në një ngjarje që ka shkaktuar reagime.

Nga pamjet e publikuara, në fytyrën e tij duken dëmtime të dukshme të shkaktuara nga sulmi fizik.

Sipas deklarimeve të dhëna në polici, Demaliaj ka thënë se është sulmuar menjëherë pasi ka dalë nga banesa, duke e lidhur ngjarjen me një konflikt të mëparshëm me një banor të zonës. Sipas tij, ky person e kishte akuzuar për denoncime ndaj policisë lidhur me parkimet e gabuara në rrugë.

Policia ka identifikuar një person të dyshuar si autor të ngjarjes dhe e ka shpallur në kërkim.

Ndërkohë, hetimet vijojnë për zbardhjen e plotë të rrethanave të sulmit dhe identifikimin e çdo personi tjetër të përfshirë.