Deputetja e Partisë Demokratike, Elda Hoti, ka ndarë me ndjekësit lajmin e hidhur për ndarjen nga jeta të bashkëshortit të saj.

Përmes një postimi prekës në rrjetet sociale, Hoti i ka dhënë lamtumirën partnerit të jetës me fjalë që pasqyrojnë dhimbjen e humbjes.

“U prehsh në paqe, i miri i zemrës time! Ladi im, shpirti im. Do na mungosh gjithë jetën”, shkruan deputetja, duke e shoqëruar mesazhin me fotografi.

Njoftimi i saj ka ngjallur reagime të shumta, ndërsa miq, kolegë dhe ndjekës i kanë shprehur ngushëllimet për humbjen e rëndë familjare.

Deri më tani nuk janë bërë publike detaje të tjera lidhur me rrethanat e ndarjes nga jeta të bashkëshortit të deputetes.