Trazira u shkaktuan të martën pasdite në burgun e Diavatos në Selanik, pasi një zjarr shpërtheu brenda një qelie.

Sipas informacioneve paraprake, incidenti ndodhi rreth orës 17:30, kur, në rrethana ende të paqarta, një dyshek brenda qelisë u përfshi nga flakët.

Si pasojë e zjarrit, tre të burgosur u dërguan në spital, pasi shfaqën probleme me frymëmarrjen.

Ndërkohë, autoritetet kanë nisur një hetim paraprak për të zbardhur shkaqet e incidentit dhe për të përcaktuar nëse zjarri ka qenë i qëllimshëm apo ka ndodhur aksidentalisht.