Vlorë — Kryeministri Edi Rama ka zhvilluar sot një vizitë në qytetin e Vlorës, ku fillimisht ka zhvilluar një takim në Universitetin e Vlorës dhe më pas është ndalur për një inspektim në Parkun “Aulona”, i cili ndodhet përgjatë bulevardit kryesor të qytetit.
Gjatë kësaj ndalese, kreu i qeverisë bëri të ditur planin për rikualifikimin e kësaj hapësire urbane, duke nëvizuar se projekti synon t’i kthejë këtij ambienti funksionin e munguar publik.
Sipas tij, ndërhyrja do të mundësojë shndërrimin e zonës në një lulishte dhe hapësirë të gjelbër në shërbim të qytetarëve, duke marrë një funksion të ri urban dhe duke u kthyer në një pikë të aksesueshme për banorët në një nga akset më qendrore të Vlorës.