Disa lloje barnash mjekësore mund të shkaktojnë ndryshime rrënjësore në mikrobiomën e zorrëve, efektet e të cilave mbeten të dallueshme edhe me vite të tëra pas përfundimit të trajtimit, sipas një studimi të ri të publikuar në platformën shkencore Science Direct.
Në aparatin tretës jeton një komunitet gjigant bakteresh dhe mikroorganizmash që luajnë një rol kyç në tretje, metabolizëm dhe forcimin e sistemit imunitar.
Për të arritur në këto përfundime, studiuesit analizuan të dhënat e më shumë se 2,500 pjesëmarrësve nga Biobanka e Estonisë, duke krahasuar mostrat biologjike me historikun e barnave që ata kishin marrë me recetë. Rezultatet treguan se shumica e barnave të analizuara shoqëroheshin me ndryshime afatgjata në mikrobiomë.
> “Një ilaç i përdorur disa muaj ose vite më parë, mund të ndihmojë në shpjegimin e faktit pse mikrobioma e një personi ndryshon nga ajo e një personi tjetër”, nërmarrin studiuesit.
>
Benzodiazepinat me efekt të ngjashëm si antibiotikët
Një nga gjetjet më befasuese të hulumtimit lidhej me klasën e benzodiazepinave — barna që përdoren gjerësisht për trajtimin e ankthit dhe çrregullimeve të gjumit. Ndryshimet që këto barna shkaktonin te bakteret e zorrëve rezultuan të krahasueshme me ato të antibiotikëve me spektër të gjerë, të cilët njihen për ndikimin e tyre agresiv mbi një numër të madh speciesh bakteriale.
Studiuesit vunë re gjithashtu se edhe barnat që i përkasin të njëjtës klasë nuk kishin domosdoshmërisht të njëjtin ndikim.
Megjithatë, ekspertët nështëvizojnë se këto gjetje nuk do të thonë se çdo pacient përjeton të njëjtin efekt, dhe apelojnë se asnjë trajtim nuk duhet të ndërpritet pa u konsultuar më parë me mjekun përkatës.