Pavarësisht se aventura e ekipit të tij, Austin FC, u ndërpre në fazën çerekfinale nga meksikanët e Toluca-s, Myrto Uzuni ka arritur të lërë një gjurmë të pashlyeshme në edicionin e sivjetshëm të “Leagues Cup”.
Portali i njohur i specializuar për statistikat e futbollit, Sofascore, ka publikuar formacionin ideal të të gjithë turneut pas përfundimit të finales ku u kurorëzua skuadra e Toluca-s. Pjesë e 11-shes më të mirë të këtij kompeticioni prestigjioz të Amerikës Veriore është përzgjedhur edhe sulmuesi i kombëtares shqiptare.
Nota më e lartë e të gjithë turneut
Paraqitjet e shkëlqyera të Uzunit jo vetëm që i garantuan atij një vend mes më të mirëve, por e ngjitën atë në majën e vlerësimeve individuale. Sulmuesi kuqezi u vlerësua me notën mesatare 7.98, cila doli të jetë nota më e lartë absolute e marrë nga çdo futbollist pjesëmarrës në këtë turne.
Ky vlerësim i lartë konfirmon formën e shkëlqyer fizike dhe efikasitetin e lartë të sulmuesit shqiptar në arenën ndërkombëtare, duke e kthyer atë në një nga emrat më të lakuar të futbollit në Kontinentin Amerikan.