Presidentja e Komisionit Evropian, Ursula von der Leyen, tha se investimet në Ballkanin Perëndimor janë investime në të ardhmen e BE-së.

Von der Leyen po mban të mërkurën fjalimin vjetor për gjendjen e BE-së, në një seancë plenare të Parlamentit Evropian.

Ajo përsëriti qëndrimin e bllokut për procesin e zgjerimit dhe, siç tha, rëndësinë që ka Ballkani Perëndimor për të ardhmen e BE-së.

Von der Leyen paralajmëroi se para fundit të këtij muaji do të udhëtojë në rajon, për të dërguar sinjalin e fortë për vazhdimin e procesit të zgjerimit.

“Investimet në Ballkanin Perëndimor janë investime në të ardhmen e Bashkimit Evropian”, tha ajo dhe shtoi se për këtë qëllim, BE-ja është duke zbatuar plane të veçanta për investime në vendet e rajonit.

Nga Komisioni Evropian kanë thënë se Von der Leyen do ta vizitojë Ballkanin Perëndimor më 28-30 shtator, por nuk kanë saktësuar se cilat vende do t’i vizitojë ajo.

Kjo vizitë do të ndodhë para samitit ndërmjet BE-së dhe Ballkanit Perëndimor që do të mbahet në Bërdo të Sllovenisë.

Von der Leyen tha se investimet e BE-së në Ballkanin Perëndimor përbëjnë 1/3 e bruto prodhimit vendor të rajonit.

Ajo foli edhe për masat që ka ndërmarrë BE-ja prejse ka nisur pandemia e koronavirusit, duke përmendur, siç tha, suksesin e bllokut në vaksinim, ndihmën me vaksina për vendet e tjera dhe miratimin e planit për t’iu ndihmuar shteteve anëtare për rimëkëmbje ekonomike.

Von der Leyen foli edhe për krizën në Afganistan, duke premtuar rritjen e ndihmës humanitare të BE-së për qytetarët e këtij shteti, i cili, muajin e kaluar, ka rënë nën kontrollin e militantëve talibanë.

Gjatë debatit në Parlamentin Evropian edhe ministri i Jashtëm i Sllovenisë, Anze Logar, vendi i të cilit kryeson me BE-në, konfirmoi se zgjerimi i bllokut evropian dhe Ballkani Perëndimor janë prioritet dhe kjo do të jetë tema e samitit të BE-së që do të mbahet në Slloveni në muajin tetor.

Gjatë debatit në parlamentin Evropian edhe Ministri i jashtëm i Sllovenisë Logar, vendit që kryeson bashkimin Evropian, konfirmoj se zgjerimi i BE-së dhe Ballkani Perendimroë janë prioritet dhe se kësaj teme do ti kushtohet samiti i radhës i BE-së në fillim të tetorit në Slloveni.

/REL