Një konflikt është regjistruar mëngjesin e sotëm te shkolla ‘Çajupi’ në kryeqytet. Mesohet se disa qytetarë janë përfshirë në një sherr duke u konfliktuar me sende të forta.

Si pasojë e sherrit katër persona kanë përfunduar të lënduar në spital. Po ashtu mësohet se njëri prej tyre ka nxjerrë armën dhe ka qëlluar në ajër.

Në vendngjarje ndodhet policia. Ende nuk dihen shkaqet që çuan në përleshjen e dhunshme. Ndërkohë, është sekuestruar një armë zjarri pistoletë, ndërsa dy persona janë shoqëruar ne komisariat.