Ekspertët e shëndetit mendor theksojnë se ndarjet në marrëdhënie janë gjithmonë të vështira dhe përjetohen ndryshe nga çdo individ, duke sjellë emocione si trishtim, zemërim apo boshllëk.

Psikologu Grant Brenner shpjegon se hapi më i rëndësishëm pas një ndarjeje është mënyra si personi e kupton veten dhe procesi i rikuperimit emocional. Sipas tij, kujdesi për veten në këtë periudhë është thelbësor, duke përfshirë gjumin, ushqimin dhe aktivitetin e përditshëm.

Ndërkohë, ekspertja e marrëdhënieve Elle Huerta thotë se shumë njerëz përpiqen të shpërqendrohen pas ndarjes me dalje apo izolim, por shpesh këto sjellje mund ta përkeqësojnë gjendjen emocionale.

Ajo thekson se një nga gabimet më të zakonshme është vetëkritika e tepruar, ku personi fillon të fajësojë veten dhe të humbasë vetëbesimin, gjë që e vështirëson procesin e shërimit.

Ekspertët këshillojnë që gjatë kësaj periudhe të ruhet kontakti me njerëz mbështetës, të mos neglizhohen nevojat bazë dhe të shmanget izolimi emocional.

Sipas tyre, rikuperimi pas një ndarjeje kërkon kohë, por mënyra e të folurit me veten luan një rol vendimtar në shpejtësinë e procesit të shërimit.