Një 40-vjeçar është gjetur i pajetë pasditen e sotme brenda një kabine elektrike në Tiranë.

Sipas njoftimit te policise në rrugën “Bab Rexha” është gjetur i vdekur brenda një kabine elektrike 40-vjeçari N. H.

Raportohet se burri është gjetur nga punonjësit e OSHEE. Nga hetimet paraprake, dyshohet se ky shtetas ka hyrë brenda kabinës elektrike dhe ka rënë në kontakt me rrymën elektrike.

Si pasojë e kontaktit, 40-vjeçari ka humbur jetën.

Grupi hetimor ndodhet në vendngjarje dhe po punon për sqarimin dhe zbardhjen e rrethanave të saj.

Njoftimi i Policisë:

Tiranë/Informacion paraprak

Rreth orës 17:00, në rrugën “Bab Rexha” është konstatuar nga punonjësit e OSHEE-së, brenda kabinës elektrike, pa shenja jete shtetasi H. N, rreth 40 vjeç.

Paraprakisht dyshohet se ky shtetas kishte hyrë brenda kabinës elektrike për të pushuar, dhe dyshohet se ka rënë në kontakt me rrymën elektrike dhe për pasojë ka humbur jetën.

Grupi hetimor punon për sqarimin e plotë e rrethanave të ngjarjes.