Autoritetet italiane kanë arrestuar një shqiptar, i cili u kap me një sasi prej 6 kg kokainë të pastër, e cila në treg kapte vlerën e mbi 1 mln e gjysmë euro.
Sipas mediave italiane operacioni është zhvilluar nga Guardia di Finanza e Sarzanës, ndërsa shqiptari u arrestua teksa po lëvizte me një furgon me targa spanjolle.
Karabinierët sapo ndaluan makinën e shqiptarit vunë re disa lëvizje të dyshimta të tje. Menjëherë ata aktivizuan qenin anti-drogë, i cili arriti të zbulonte lëndën narkotike, e cila ishte e fshehur në dyshemenë e furgonit.
Lënda narkotike ishte e paketuar me qese të mbyllura me vakum.
Në total u sekuestruan 6 kg e 150 gr kokainë e pastër si dhe furgoni që përdorej për transportin e drogës.
Ndërsa shqiptari u arrestua dhe u dërgua në burgun Massa.
