1.5 ton drogë janë kapur ditën e sotme në Turqi. Autoritetet turke bëjnë me dije se sasia kolosale e drogës ishte nisur nga Shqipëria në rrugë detare dhe më pas ishte fshehur në pyll.
Sipas deklaratës së Guvernatorit të Izmirit, kanë nisur hetimet për zbulimin e rrjetit të narkotrafikantëve.
Në operacion u sekuestruan rreth 1.5 ton drogë, u ndaluan 3 të dyshuar dhe u sekuestruan 3 pistoleta.
Nga ana tjetër, sipas informacioneve të marra nga burimet e sigurisë, mësohet se të dyshuarit e kanë sjellë drogën me skaf, më pas e kanë nxjerrë në breg dhe e kanë fshehur në zonën pyjore.
Foto nga operacioni policor:
