Është mbyllur përkohësisht për qarkullim pika kufitare në Merdarë, për shkak të një mjeti të dyshimtë shpërthyes, raportojnë mediat në Kosovë.
Mësohet se pas ndëhyrjes së KFOR-it është shpërthyer mjeti i dyshimtë. Pas përfundimit të shpërthimit të kontrolluar është rihapur për qarkullim pika kufitare.
Në vendngjarje ka shkuar Policia dhe pjesëtarët e Forcës së Sigurisë së Kosovës.
Zëdhënësi i Policisë së Kosovës, Baki Kelani ka thënë se pjestarët e KFOR-it kishin kërkuar nga Policia e Kosovës që përkohësisht ta ndalojnë qarkullimin e personave dhe automjetëve në atë zonë meqë kanë qenë duke e bërë një shpërthim të kontrolluar të një mjeti shpërthyes. Kelani njoftoi se rruga është liruar për qarkullim normal rreth orës 18:30.
Njoftimi zyrtar:
“Më datën 08.12.2021 rreth orës 17:30 në stacionin policor kufitar (SPK-Merdare) nga pjestarë të KFOR-it është kërkuar ndalimi i përkohëshëm i qarkullimit të personave dhe automjeteve, për aryse se janë duke bërë shpërthimin në mënyrë të kontrolluar të një mjeti shpërthyes. Lokacioni i mjetit shpërthyes ka qenë në distancë mbi një kilometër larg pikës kufitare, por për shkaqe sigurie për një kohë të shkurtër është ndërprerë qarkullimi. Reth orës 18:20 rruga është liruar për qarkullim normal, pa problem”, ka thënë Kelani.
