Gjykata e Posaçme shtyn për në 8 janar shqyrtimin e kërkesës së SPAK për dërgimin në gjyq të ish-kreut të Gjykatës Kushtetuese, Bashkim Dedja.

Ish-drejtuesi i Kushtetueses po hetohet për “fshehje dhe mosdeklarim të pasurisë”.Seanca u shty për shkak se SPAK nuk i kishte përfunduar të gjitha veprimet hetimore të nevojshme, por edhe për shkak të mungesës së mbrojtësve.

Më herët Gjykata e Posaçme ktheu për plotësim të hetimeve çështjen ndaj Dedjes.

Ndërsa më pas gjykata e posaçme miratoi kërkesën e SPAK për sekuestrimin e disa pasurive të ish-gjyqtarit kushtetues. Prokuroria në bazë të hetimit siguroi të dhëna dhe dyshohet se Dedja kishte pronësi pasuri të paluajtshme, të cilat nuk i justifikonin me burime të ligjshme, apo pasuri që i kanë fshehur.