Kreu i Këshillit Kombëtar Edi Paloka ka mbajtr fjalën hapëse në Kuvendin e PD-së, së thirrur nga ish-kryeministri Sali Berisha.

Gjatë gjithë kohës që fliste Paloka, në stadium dëgjoheshin thirrjet: Basha ik, Rama ik.

Paloka tha se PD pas zgjedhjeve të 25 Prillit, u vendos përkrahë regjimit në pushtet, dhe jo përballë tij, siç është dhe vullneti i mbështetësve të saj.

Pjesë nga fjala e Palokës:

Të tjerët le të festojnë me shampanjë, ne jemi demokratët që kemi qëndruar përballë të gjitha sfidave.

Në Dhjetor të 90 u bëra pjesë e lëvizjes studentore, sot e kësaj dite ne do të themi me krenari që unë isha aty, ditën kur u rithemelua Partia Demokratike. Janë mbi 4200 delegatë që kanë firmosur për thirrjen e këtij Kuvendi, Sot numri i firmëtarëve është shumë më i lartë se ai i ditëve të para.

Kriza e papredentë ku ndodhemi sot si pasojë e dështimeve të njëpanjëshme, për të rrëzuar regjimin, e veçanërisht pozicioni i kryetarit aktual që i bëri PD pas 25 Prillit, jo përballë regjimit por krah tij.

Kjo është arsyeja se pse ne jemi mbledhur sot këtu për të Kuvenduar.

Jemi mbledhur këtu që t’iu kthejmë shqiptarëve opozitën e vërtetë, dhe për të kthyer PD-në te fitorja, gëzuar ditën e rithemelimit të PD-së, punime të mbara Kuvendit të demokratëve të lirë.