Dy të rinj nga Tirana kanë rënë në prangat e policisë së Lezhës, pasi gjatë kontrollit të mjetit me të cilin ata po lëviznin u është gjetur një sasi lënde narkotike kanabis sativa.

Efektivët e policisë e ndaluan automjetin pas informacioneve të marra në rrugë operative, ku më pas konstatuan dhe lëndën narkotike. Materialet në ngarkim të shtetasve me inicialet A. H., 20 vjeç dhe M. P., 18 vjeç, i kaluan prokurorisë së Lezhës për veprime të mëtejshme.

“Specialistët e Seksionit për Hetimin e Narkotikëve në DVP Lezhë, në vijim të punës për parandalimin dhe goditjen e veprimtarisë kriminale në fushën e prodhimit dhe shitjes së narkotikëve, bazuar dhe në informacionet e marra në rrugë operative, kanë arrestuar në flagrancë shtetasit A. H., 20 vjeç dhe M. P., 18 vjeç, të dy banues në Tiranë, pasi gjatë kontrollit të automjetit tip “Benz”, me drejtues shtetasin A. H. dhe pasagjer shtetasin M. P., është gjetur një sasi lënde narkotike e dyshuar cannabis sativa, e cila u sekuestrua në cilësinë e provës materiale së bashku me automjetin dhe 2 aparate celulare.

Materialet iu referuan Prokurorisë së Rrethit Gjyqësor Lezhë, për veprime të mëtejshme”, thuhet në njoftimin e policisë