“Bekim përjetë për të gjithë banorët që sot pjesë-pjesë fillojnë të kthehen në shtëpi në një Thumanë që ishte krateri i zymtë i një tërmeti shkatërrimtar, që këtu bëri numrin më të madh të viktimave dhe sot është shëmbëlltyrë e Rilindjes në kuptimin e plotë të fjalës. U jam mirënjohës të gjithë inxhinierëve, arkitektëve, Fondit Shqiptar të Zhvillimit që ka cuar përpara një proces aspak të lehtë për mundësimin e kësaj pamjeje që pa asnjë diskutim dy vjet më parë mes lotëve të asaj tragjedie askush nuk do ta kishte besuar se do ishte Thumana e dy vjetëve më pas. Ja ku jemi këtu dhe jam shumë krenar që këta fëmijë, baballarë dhe gjyshër, sot me grupin e parë të familjeve do hyjnë në shtëpitë e tyre dhe deri në Vitin e Ri të gjitha familjet në këtë kompleks godinash do bëjnë gëzuar Vitin e Ri në një shtëpi të re, shumë më të bukur, shumë më të fortë, më komode, pjesë e një kompleksi që krijon komunitet”, tha Rama.

“E pra transformimi i kësaj depoje të vjetër uji që ishte një karakatinë që qëndronte si gogol dhe nuk i rezistoi dot goditjes për shkak të banesave krejtësish të armotizuara, të papërshtatshme, sot kthehet në një përmendore të kujtesës për ata që humbën jetën dhe shpresën për të ardhmen, përbën një arsye të fort për të besuar te e ardhmja. Jam shumë i lehtësuar që vajzat dhe djemtë adoleshentë të Thumanës zhvillojnë sot mësim në një shkollë tërësisht të rindërtuar. Kjo do të ishte një hapësirë e dëshiruar në Tiranë. Kur unë kam thënë atëherë që ne do ta rindërtojmë Thumanën shumë më të bukur sec ishte, shumëkush më ka përqeshur, shumëkush më ka mallkuar, shumëkush tjetër as ka menduar dy herë para se të thotë kështu e kanë të gjithë këta politikanët, del në TV dhe na harroi. Kam thënë që kjo qytezë do bëhet një destinacion turistik”, shtoi ai.