Prej vitesh Premier League është dritarja e vetme e rëndësishme për tifozët në fund vit, por futbolli në ishull po përjeton një moment shumë të vështirë teksa është mbërthyer nga COVID-19. Shifrat e fundit që bëhen publike janë me të vërtetë shqetësuese:

103 persona, mes të cilëve lojtarë dhe anëtarë stafesh kanë rezultuar pozitiv vetëm në 6 ditët e fundit, nga 20 dhjetori deri në 26 dhjetor. Ky është një rekord i ri negativ, me rastet që shtohen gjithnjë e me shumë ditë pas dite.

Drejtuesit e Ligës konfirmuan se janë kryer 15,186 teste për lojtarë dhe anëtarë stafesh, nga këto 103 kanë rezultuar pozitiv. Pavarësisht këtij fakti dhe shtimit të rasteve, drejtuesit e Ligës as që kanë ndërmend të ndalen, do të vijojnë sipas programit.