Ministria për Evropën dhe Punët e Jashtme, ka njoftuar masat e reja për qytetarët që udhëtojnë në Malin e Zi.
Përmes një postimi në faqen zyrtare në facebook, ministria bën me dije se duke filluar nga 2 janari 2022, do të lejohet kalimi i kufirit vetëm me certifikatë vasksinimi me të paktën dy doza, ose test PCR të bërë jo më shumë se 48-orë më parë, ose vërtetim të personit që e ka kaluar Covidin.
E domosdoshme është edhe vërtetimi se personi ka kaluar kovidin (që ka kaluar jo më pak se 10 ditë dhe jo më shumë se 180 ditë nga testi pozitiv PCR ose i shpejtë antigen).
Njoftimi:
Ministria për Evropën dhe Punët e Jashtme njofton masat e reja për hyrjet në Malin e Zi
Duke filluar nga data 02 janar 2022, lejohet të kalohet kufiri:
- Me certifikatë vaksinimi të plotë me numrin e duhur të dozave, dhe nga doza e dytë të mos ketë kaluar më shumë se 6 muaj.
- Me vërtetimin se personi ka kaluar kovidin (që ka kaluar jo më pak se 10 ditë dhe jo më shumë se 180 ditë nga testi pozitiv PCR ose i shpejtë antigen).
Në të dyja rastet personi duhet të ketë patjetër ose testin negativ PCR jo më të vjetër se 72 orë, ose testin e shpejtë Antigen jo më të vjetër se 48 orë.
Kjo do të thotë që nuk është më e mundur hyrja në Mal të Zi vetëm me test negativ.
