Ish-kryeministri Sali Berisha ftoi përkrahësit e tij që të vetëpërmbahen.

Teksa demokratet kanë hyrë në selinë e PD-së, ai tha se është një protestë paqësore. Mes të tjerash, Berisha tha se sot PD do të jetë shtëpia e Lirisë.

“Protesta është dhe do të mbetet protestë paqësore. Ftoj të gjithë protestuesit. demokrate dhe demokrate që sot do të ndërrojne bunkerin e Peng Bashës ne shtëpinë e lirisë. Të ruajnë gjakftohtësinë dhe të vetëpërmbahen.Unë kërkoj vetëpërmbajtje vetëpërmbajtje. Nëse ndërhyn policia do ndërhyjë Edi Rama, ndërhyn Edi Rama. Në këmbë do shkoj”, tha Berisha.

Berisha komentoi  situatën në PD, ndërsa mbështetës të tij, mësyjnë në seli duke thyer xhamat e dyert e saj.

“Kanë hyrë në shtëpinë e tyre. Nuk ka të drejtë njeri të mbyllë derën e shtëpise, Njërin ta lejojë, tjetrit t’i përplasë derën.Nuk ngujojmë ne, nuk jemi parti burgjesh.” u shpreh Berisha.