Nevoja për rezervime të minutës së fundit ka lindur më së shumti nga pandemia e koronavirusit, për shkak të ndryshimeve të vazhdueshme në masat kufizuese, gjë e cila duket se po krijon një trend të ri në udhëtime.
Ka shumë kompani udhëtimi që tani ofrojnë kushte më fleksibël rezervimi për t’i ndihmuar udhëtarët të ndihen më rehat dhe të mos kenë stresin e anulimit.
Edhe para pandemisë, kishte kompani si Black Tomato në Londër të Anglisë, të cilat ishin të specializuara në organizimin dhe ekzekutimin e udhëtimeve spontane, madje edhe udhëtime pa një destinacion të caktuar.
Është për t’u habitur që udhëtari që nuk është i sigurt se ku dëshiron të udhëtojë, por ndjen nevojën për t’u arratisur, mund të guxojë, duke u besuar ekspertëve që do të hartojnë për të një eksperiencë frymëzuese, të personalizuar që do të përfshijë vetëm surpriza të këndshme.
Destinacionet më të njohura për udhëtime spontane
Sipas kërkesave të fundit të udhëtimeve spontane, destinacionet më të njohura në muaj për vitin 2022 janë:
Janar: Maldive, Argjentinë, Sri Lanka, Kenia
Shkurt: SHBA, Islanda, India, Egjipti dhe Argjentina për të dytin muaj radhazi
Mars: Kosta Rika, Meksika, Kili, Shën Vincenti dhe Grenadinet
Prill: SHBA, për të dytin muaj radhazi, Maroku, Kuba, Kolumbia, Jordania
Maj: Portugalia, Turqia, Butani dhe Meksika për të dytin muaj radhazi
Qershor: Itali, Botsvana, SHBA për të tretin muaj radhazi, Kroacia, Madagaskar, Indonezi
Korrik: Greqia, Spanja, Tanzania, Norvegjia, Ruanda, Kanadaja
Gusht: Peru, Namibia, Kenia, Ekuador dhe Ishujt Galapagos
Shtator: Greqia për muajin e dytë të vitit, si dhe Turqia, Maroku, Portugalia dhe Egjipti
Tetor: Omani, Mauritius, Portugalia dhe Turqia për herë të tretë në një vit, Islanda dhe Botsvana
Nëntor: Sri Lanka, për të dytin muaj radhazi, Antigua, Argjentina, Meksika dhe Egjipti si destinacione të përsëritura
Dhjetor: Maldivet, Tajlanda, Ruanda, Islanda, Sri Lanka, Kenia dhe Peruja, janë destinacionet për udhëtime spontane të preferuara nga udhëtarët në mbarë botën gjatë muajit të festave.
