Ish-kryeministri Sali Berisha sulmoi nga foltorja e Parlamentit Reformën në Drejtësi, duke akuzuar kryeministrin Rama se e ka përdorur atë për kapjen e sistemit.

Në fjalën e tij në seancë plenare, ish kryeministri atakoi vetingun kur tha se nuk u përdor i njëjtë standar për gjyqtarët e prokurorët.

“Të nderuar deputetë, këto po diskutohet për njërën nga pseudoreformat, me pasoja katastrofale në historinë e këtij vendi, që i këputi shtyllën kurrizore shtetit shqiptar. Kjo reformë pati pasoja nga më katastrofalet për qytetarët shqiptarë dhe për Shqipërinë. Në themel të këtyre pasojave qëndron manipulimi i procesit të vetingut si hanxhar politik për gjahun e shtrigave për spastrimin e drejtësisë mbi baza krahinore dhe politike. Kam paralajmëruar Edi Ramën për këtë katastrofë që do vi, është përpjekur të lajë duart me ndërkombëtarët.

Përgjegjësia totale për këtë reformë është e Edi Ramës, pasi u përzgjodh me qëllim vetingu nga lart poshtë dhe jo poshtë lartë. Një kryeministër i cili pranon që vendi të mbetet pa Gjykatë Kushtetuese dhe Gjykatë të Lartë, pa shtet ligjor, ai nuk është kryeministër, por një përbindësh i etshëm për pushtet. Që të arrijë sot në këtë pikë me 10% më shumë pushtet seç kishte diktatori i fundit në Evropë. Cilat janë pasojat e saj? Me dhjetëra gjyqtarë të rinj u larguan nga sistemi gjyqësor. Komisioni i Venecias, tha se afati 3 javor u përdor për të përjshtuar gjyqtarët të cilët nuk mund të dorëzonin dokumentet brenda afateve.

U hoqën nga drejtësia, gjyqtarë si Fatmir Hoxha i cili nuk kanë deklaruar në vitin 2003 konton bankare të bashkëshortes dhe e deklaroi në vitin 2004

U mbajtën në sistemin e drejtësisë gjyqtarë si famëziu Dovran që fshehu 82 mijë euro, të cilit Albtelecom i pagoi 18 mijë euro. U mbajt njeriu i cili Komisioni i Venecias tha se shkeli Kushtetutën. U mbajt Sokol Sadushi që kishte blerë një apartament në viton 2006 nga një person që nuk dinte se ku kishte marrë paratë e blerjes. U mbajt Sokol Sadushi që kishte deklaruar dhuratën 20 mijë euro të gjyshes për fëmijët.

U mbajt X gjykatës tjetër vila e të cilit është ndërtuar nga kunati trafikant, u përzë tjetri që nuk kishte deklaruar një garsionerë të vitit ’94. Pasojat e vetingut sot janë katastrofale, shqiptarët kanë humbur të drejtën për një process gjyqësor të pastër. Shqipëria u bllokua me tre vite me integrimin dhe u kthye në portin kryesor të trafikut të drogës”, tha Berisha.