30 persona, mes tyre disa shqiptarë kanë rënë në prangat e policisë së Belgjikës. Mësohet se objektiv i operacionit të policisë ka qenë mafia shqiptare.

Policia ka bastisur disa banesa që kanë çuar në arrestimin e shqiptarëve, identitetet e të cilëve nuk dihen ende.

Objektiv i këtij operacioni të madh ka qenë goditja e bandës së shqiptarëve qe merreshin me tregtinë ndërkombëtare të armëve dhe drogës.

Operacioni u zhvillua sot rreth orës 04:00 të mengjesit ku u kontrolluan mbi 30 shtëpi. U sekuestruan armë, kokainë, para, ora luksoze, diamante dhe automjete.

Në të njëjtën kohë, aksione policore u zhvilluan edhe në disa vende të tjera evropiane. Dhjetra persona u arrestuan gjatë rreth gjashtëdhjetë kontrolleve të shtëpive në Spanjë, Itali, Gjermani, Kroaci dhe Holandë.

Media belge “HLN” shkruan se nuk është hera e parë që mafias shqiptare i jepet një goditje. Ky grup u godit edhe në vitin 2021 që çoi në arrestimin e 64 personave dhe u zbuluan edhe laborator kokaine.

Shqiptarët akuzohet se e fusnin kokainën në portet e Belgjikës dhe e ndanin në vendet e tjera të Europës.

“Nuk është hera e parë që mafias shqiptare në vendin tonë i jepet një goditje. Prandaj ka një shans të mirë që aksioni i mëngjesit të së martës të lidhet me një operacion të ngjashëm që u krye në Bruksel në tetor të vitit të kaluar. Ishte “zbulimi i një bote të re kriminale në të gjithë territorin e Brukselit, e cila deri më tani ka arritur të mbetet kryesisht e padukshme”, tha Eric Jacobs, drejtor i Policisë Gjyqësore Federale të Brukseli