Kryeministri Edi Rama ka folur në pritjen e organizuar me rastin e fillimit të mandatit të Shqipërisë në Këshillin e Sigurimit të OKB-së. Rama tha se për Shqipërinë anëtarësimi në Këshillin e Sigurisë ishte një arritje historike.

Rama:

Me ça kuptoj unë, ju jeni shefi i shumë personave këtu, jemi të nderuar që gjendemi pranë jush.

Anëtarësimi në Këshillin e Sigurimit është një ngjarje me rëndësi historike për Shqipërinë, shënon një pikë tjetër të transformimit, për ta bërë botën një vend më të mirë.

Dua ta them troç, pavarësisht këshillave të ambasadorëve, vetëm për një takim si ky me shumë miq, dhe të ftuar, ma ha mendja se mandati në Këshilin e Sigurimit ja vlen. Faleminderit që jeni këtu.

Asnjë imagjinatë e shfrenuar nuk do ta kishte menduar këtë 3 dekada më parë.

Ne ishim Koreja e Veriut e Europës, diktatura u shkërmoq falë njerëzve të lirë.

Shumë herë rrota e historisë lëviz në mënyra të ndryshme, për ne shqiptarët zgjimi erdhi vonë, por që atëherë ne kemi ecur në drejtim të lirisë, demokracisë dhe shtetit të së drejtës.

Ne e kemi vënë të drejtën ndërkombëtare në qendër të axhendës sonë, nuk e di sa prej jush do të binin dakord me mua, se kudo që nevojat e qytetarëve vendosen të parat, ka një zhvillim të qëendrueshëm.

Nuk ka paqe pa drejtësi, siguria nuk mund të vendoset pa u vendosur drejtësia, dhe llogaridhënia. Përmes saj ne do të shkojmë te pajtimi, kjo është detyra e një vendi të vogël si Shqipëria.