Qendra e qytetit Kharkiv në Ukrainën lindore është goditur nga një sulm me raketa nga forcat ruse.

Një sërë bombash kanë rënë pranë ndërtesave kolektive në Kharkiv. Kamerat e sigurisë në një bllok pallatesh në Kharkiv të Ukrainës, kanë kapur momentin kur ndodhin një sërë shpërthimeve në një parking.

Raketa fillimisht përplaset në pjesën e përparme të ndërtesës së Administratës Rajonale Shtetërore, duke shkaktuar një shpërthim të madh e të zjarrtë, por duke dëmtuar dhe makinat aty pranë.

Një video tjetër e filmuar pas shpërthimit tregon qendrën e qytetit të shkatërruar plotësisht.

Si pasojë e këtij sulmi ajror nga forcat ruse, autoritetet ukrainase thonë se kanë humbur jetën shtatë persona dhe 14 tjerë kanë mbetur të plagosur.

Shpërthimi ka ndodhur në orët e para të mëngjesit, ku ushtria ruse edhe një herë nuk hezitoi që të hedhë bomba mbi civilët.

Qyteti verilindor i Kharkiv-it ka pasur luftime të ashpra dhe bombardime ajrore që nga fillimi i sulmit rus e deri në ditën e 6-të të agresionit që jemi sot.

Kharkiv është qyteti i dytë më i madh i Ukrainës me një popullsi prej 1.6 milionë banorë.

CCTV from an apartment building in Kharkiv shows multiple explosions hit the carpark and walkway outside.

Ukrainian authorities say seven people have died, and at least 44 others have been wounded in recent fighting in the city pic.twitter.com/q5I7oaV5qb

— ITV News (@itvnews) February 28, 2022