Është shënuar incidenti i parë në zgjedhjet e pjesshme vendore në qarkun e Durrësit.

Incidenti ka ndodhur mes përfaqësuesve të foltores dhe komisionerit të PD-së Fatri Mezini, të cilët janë përplasur fizikisht me grushta.

Vetë Mezini ka thënë për mediat se është provokuar nga “personat e jashtëm të PD-së”.

Incidenti ka ndodhur në lagjen 8 të qytetit bregdetar, ndërkohë që për momentin në këtë qendër është ndërprerë procesi i votimit.

Policia e Shtetit mbërriti për të marrë në pyetje personin që është goditur, komisionierin e PD.

Sherri mësohet se ka ndodhur jashtë ambienteve të QV-së.

“Vjen një makinë nuk e di me sa njerëz, kemi lajmëruar strukturat, policia po bën punën e saj. Besoj ata të Shtëpisë së Lirisë, nuk e di them unë”, tha një nga anëtarët e Qendres se Votimit.