Duke parë shifrat ne rritje të prekurve me covid-19 dhe duke pare se situata në vënd po del jashtë kontrollit, kryetari i PD-së, Lulzim Basha, i ka drejtuar një pyetje rivalit të tij politik, Edi Ramës.

Përmes një postimi në Twitter, Basha pyet Ramën se pse nuk e hap COVID4, ndërsa të infektuarit dergjen nëpër ambulanca.

REAGIMI I BASHËS
Edi Rama leri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin.

Kujtojmë se sot në News24 u publikuan dëshmi të qytetarëve që prisnin jashtë Infektivit, ndërkohë që familjarët e tyre prisnin në ambulanca, pasi nuk kishte vend në spital.