Presidenti francez Emmanuel Macron i ka kërkuar Presidentit rus Vladimir Putin që të heqë rrethimin e qytetit jugor të Ukrainës, Mariupol, ku njerëzit kanë mbetur pa ujë dhe energji për ditë të tëra.

Ndërkaq, përpjekjet për të evakuuar civilët nga qytetet e rrethuara në Ukrainë po ndërlikohen nga bombardimet e vazhdueshme ruse. Korridoret humanitare po krijohen nga Mariupol, Sumy dhe qytete e fshatra jashtë Kiev.

Sipas OKB-së, situata në Mariupol është edhe më e rëndë pas dy javësh bombardimesh, ku njerëzit kanë më pak akses në ushqim, ujë dhe energji. Evakuimet po ndodhin ndërsa luftimet vazhdojnë rreth Kievit.

BBC raporton se akoma nuk është vendosur armëpushimi i premtuar sepse dëgjohen ende goditjet e artilerisë, duke përfshirë edhe ato nga pala ukrainase