Kryetari i grupit parlamentar të PS, Taulant Balla ka përshëndetur rezolutën e miratuar në Asamblenë e Përgjithshme të Kombeve të Bashkuara të Rezolutës mbi konseguencat humanitare të agresionit rus kundër Ukrainës.

Sipas Ballës, kjo rezolutë kërkon ndërprerjen e menjëhershme të mizorive, mbrojtjen civilëve, respektimin e legjislacionit ndërkombëtar humanitar. Ai theksoi se Rusia edhe një herë u izolua në mbështetjen e vetëm 4 vendeve, Bjellorusisë, Koresë së Veriut, Sirisë dhe Eritresë.

“Përshëndes miratimin në Asamblenë e Përgjithshme të Kombeve të Bashkuara të Rezolutës mbi konseguencat humanitare të agresionit rus kundër Ukrainës. Rezoluta kërkon: ndërprerjen e menjëhershme të mizorive, mbrojtjen civilëve, respektimin e legjislacionit ndërkombëtar humanitar. Votimi i sotëm në APKB, rikonfirmon se Rusia edhe një herë u izolua në mbështetjen e Bjellorusisë, Koresë së Veriut, Sirisë dhe Eritresë”, tha Balla.