Presidenti Joe Biden ka zbuluar një bisedë me Vladimir Putinin gjatë muajit janar të këtij viti. Në një konferencë për mediat, Biden thotë se Putin e ka paralajmëruar se NATO herët ose vonë do përçahet.

“Putini po mbështetej në ndarjen e NATO-s. Biseda ime me të në dhjetor dhe në fillim të janarit ishte e qartë dhe ne qëndrojmë në kohezion. NATO nuk ka qenë më shumë e bashkuar se sot, Putini po merr pikërisht të kundërtën e asaj që synonte të kishte para agresionit në Ukrainë”, u shpreh Presidenti.

Ndër të tjera, Biden ka dhënë një paralajmërim jo të drejtëpërdrejtë ndaj Kinës në rast se ajo ndihmon Rusinë për luftën.

Gjatë deklaratës së tij, Biden tha se Kina i di mirë pasojat ekonomike nëse mbështet Moskën. Ai tha se “nuk bëri kërcënime” gjatë bisedës me homologun kinez, por e bëri të qartë se Xi “i kuptn pasojat e ndihmës së tij ndaj Rusisë”.