Kreu i grupit parlamentar të PD, Enkelejd Alibeaj ka kerkuar mbledhjen me urgjence te Keshillit te Mandateve ne Kuvend per kerkesen e SPAK qe te autorizohet arrestimi i deputetit te PS, Alqi Bllako.

Në një reagim në rrjetet sociale, Alibeaj thotë se Partia Demokratike është e vendosur për ta çuar deri në fund këtë çështje.

Reagimi i Enkelejd Alibeaj

Pasi jemi njohur nëpërmjet medias me kërkesën e SPAK për kërkesën për autorizim për procedim, kërkojmë mbledhjen e menjëhershme të Këshillit të Mandateve në Kuvendin e Shqipërisë, për të shqyrtuar mandatin e deputetit të PS, Alqi Bllako, ndaj të cilit është vendosur masa e arrestit për aferën e inceneratorëve.

Nuk duhet pritur më asnjë minutë. Koha është tani.

Partia Demokratike është e vendosur për ta çuar deri në fund këtë çështje dhe inkurajon drejtësinë të zbardhë deri në fund vjedhjen e shekullit dhe të vendosë para drejtësisë të gjithë përgjegjësit, deri tek zyrtari më të lartë i përfshirë.