KQZ ka miratuar vendimin duke i dhënë mandatin e deputetit të PS Pandeli Majkos, i cili ngeli jashtë parlamentit në zgjedhjet e 25 prillit. Pas dorëheqjes nga Alqi Bllako, i arrestuar nga SPAK, Majko do të jetë në Kuvend për 3 vitet e ardhshme.
Kujtojmë se Majko dorëzoi më herët mëngjesin e kësaj të hëne, në Komisionin Qendror të Zgjedhjeve formularin e dekriminalizimit.
Pandeli Majko u largua nga Kuvendi pas zgjedhjeve parlamentare të 25 Prillit, sepse nuk arriti të grumbullonte votat e nevojshme për të thyer herësin, pasi ishte renditur jashtë listës së sigurt.
Komisioni Qendror i Zgjedhjeve, pasi të verifikojë formularin, do të përcjellë shkresën në Kuvend, ku do të bëhet edhe betimi i Majkos.
