Shpërthime të fuqishme janë dëgjuar në Kiev orët e para të mëngjesit të sotëm. Sipas ‘Kiev Independent’ është ngritur alarmi për sulm ajror nga Rusia në të gjitha rajonet e Ukrainës.

Nuk dihet ende numri i saktë i viktimave apo të të plagosurve.

Mësohet se Rusia u tha forcave ukrainase që luftonin në Mariupol të dielën në mëngjes për të shpëtuar jetën e tyre, por nuk pati raporte të menjëhershme për aktivitet dy orë pasi ultimatumi hyri në fuqi në orën 3 të mëngjesit GMT në portin strategjik juglindor.

Ministria ruse e mbrojtjes pretendoi se kishte marrë kontrollin e Mariupolit, përveç disa mbrojtësve ukrainas të mbetur në një fabrikë çeliku, por pretendimi nuk mund të verifikohej në mënyrë të pavarur. Do të ishte qyteti i parë i madh që do të kishte rënë në duart e forcave ruse që nga pushtimi i cili filloi më 24 shkurt