Prishja e murit rrethues të varrezave publike në Patos besohet se është e qëllimshme.

Një fakt i tillë është pohuar për mediat nga Artjol Hoxha, Drejtor i agjencisë së shërbimeve publike Bashkia Patos. Në fjalën e tij Hoxha shprehet se ky investim është bërë nga bashkia ndaj rrëzimi i murit është i qëllimshëm.

Akuzat shkojnë ndaj bizneseve që ushtrojnë aktivitetin e tyre në këtë zonë për bërjen e qivureve dhe zhvillimin e ceremonive mortorë. Sipas tij, muri është shembur në formë hakmarrje dhe për këtë është bërë edhe denoncimi në polici.

Prej dy muajsh bashkia patos po punon për rrethimin e varrezave, çka sipas kreut të agjencisë së shërbimeve publike prish interesa të caktuara, duke hedhur dyshime të forta në prishjen e qëllimshme të murit.

Ndërsa për banorët shprehen se më parë varrezat ruheshin nga roja dhe përgjegjës ndërsa sot personat që punësohen nuk qëndrojnë në vendin e punës.

Varrezat publikë të bashkisë Patos janë në rrugën kryesore që përshkohen nga banorë e drejtues mjetes të fshatrave përreth ndaj kërkohet që personat përgjegjës të vihen përpara drejtësisë.