Kryeministri i Kosovës Albin Kurti në një reagim ditën e djeshme, është shprehur se presidenti i Serbisë Aleksandër Vuçiç është ‘Putin i vogël’, dhe se me të dhe presidenti e Republika Srpskas në Bosnjë dhe Hercegovinë , Milorad Dodik paqja dhe siguria në Ballkanin Perëndimor është e kërcënuar.

Serbia i është kundërpërgjigjur kryeministrit të Kosovës përmes të ashtuquajturës Zyrë për Kosovën në Qeverinë e Serbisë.

Drejtori i kësaj zyre, Petar Petkoviç, e ka quajtur Kurtin “Hitleri i vogël nga Ballkani”, shkruan “B92” të hënën. Sipas tij, “Kurti ëndërron të pastrojë Kosovën nga serbët”.

“Në ëndrrat dhe planet e tilla të Hitlerit, ai shqetësohet nga Presidenti Aleksandër Vuçiç, i cili po krijon stuhi të reja dhe luan me interesat e popullit serb në Kosovë dhe Metohi.”, thuhet në reagim.

Drejtori i Zyrës për Kosovë dhe Metohi, Petar Petkoviq, theksoi se arsyeja e sulmeve të përditshme të Kurtit ndaj presidentit ser dëshmon përkushtimin e tij për paqen. I them Hitlerit të vogël se Aleksandër Vuçiç do të mbetet makthi i tij sepse kurrë nuk do ta lejojë ta pastrojë Kosovën dhe Metohinë nga serbdët dhe të realizojë ëndrrat e tij për Kosovën etnikisht të pastë”, ka thënë më tej Petkoviç.