Një plagosje me armë zjarri është regjistruar paraditen e sotme në Durrës. Ngjarja ka ndodhur në lagjen nr.8 të qytetit bregdetar ku për motive të dobëta 35-vjeçari Augert Zera ka plagosur 43-vjeçarin Altin Sulku.

Ngjarja ka ndodhur për shkak të punimeve që po bënte në banesë 43-vjeçari ndërsa zhurmat duket se kanë tensionuar autorin që ka marrë armën dhe e ka plagosur.

Ky i fundit ndodhet jashtë rrezikut për jetën. Policia ndërkaq ka nisur punën për kapjen e autorit.

Njoftimi i policisë:

Durrës

Plagosi me armë zjarri një shtetas, për motive të dobëta, identifikohet dhe shpallet në kërkim 35-vjeçari.

Vijon puna intensive për kapjen e tij.

Rreth orës 10:00, në lagjen nr.8 Durrës, gjatë një konflikti të çastit për motive të dobta, është plagosur me armë zjarri, në këmbë, shtetasi A. S., 43 vjeç, i cili ndodhet nën kujdesin e mjekëve, jashtë rrezikut për jetën.

Reagimi i menjëhershëm i Policisë bëri të mundur identifikimin e autorit, shtetasit A. Z., 35 vjeç, i cili pas plagosjes është larguar nga vendngjarja. Vijon krehja e zonës, për kapjen e tij.

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.