Ministrja e Bujqësisë Frida Krifca pas mbledhjes së qeverisë, u pyet nga gazetarët në lidhje me prodhimin e qumështit dhe kritikat të deputetit socialist Erion Braçe se gruri sot është në pikën më kritike.

Ajo u shpreh se qeveria ka mbështetur fermerët përmes një buxheri 7.3 miliardë lekësh teksa shtoi se janë mbi 7300 fermerë që kanë marrë naftë.

Krifca tha më tej se kriza ekonomike ka prekur edhe bujqësinë, por nuk pranoi se fabrikat e prodhimit të qumështit janë në prag falimenti.

Pyetje: A jeni të shqetësuar se fabrikat e prodhimit të qumështit po falimentojmë , ndërsa gruri është në pikën më kritike?

Krifca: Kriza që po jetjmë ka prekur shumë sektorë, edhe bujqësinë, jemi përballë rritjeve të cmimeve, për këtë arsye qeveria i i ka dhënë fermerëve, 3.7 mld lekë, 7300 fermerë u është aprovuar karta për të marrtë naftë dhe kanë marrë naftën, sepse kemi këtë sensibiletet, për tu shërbyer në kohë reale.

Ne jemi të varur nga cmimet ndërkombëtare, gruri ka nevoja, për blegtorinë, ne aktualisht plotësojmë mbi 90 % të nevojave të vendit për qumësht.

“Kriza ka prekur dhe bujqësinë. Jemi përballë rritjes së çmimeve të imputove. Qeveria u është gjendur fermerëve këtë vit si asnjëherë tjetër me buxhetin më të madh të vënë ndonjëherë në dispozicion.

Sa i takon imputeve bujqësore ne jemi fatkeqësisht të varur nga çmimet ndërkombëtare. Gruri ka nevoja për ujitje dhe kemi bërë investime të qenësishme. Sot ne kemi fabrika përpunimi të qumështit, që kanë standarde ndërkombëtare. Sjellin produkte cilësore.

Çmimi i fermerëve është rritur siç janë rritur edhe çmimet e tjera. Më vjen mirë që çmimi për ta është rritur. Ne plotësojmë 95% të nevoja të vendit për qumësht. Nuk kam dijeni se fabrikat janë në rrezik. Hap pas hapi aty ku ka nevojë të mbështete sektori jemi këtu. Duhet të shikojmë parashikimin e mbjelljeve. Nuk kemi indikatorë që po prodhohet më pak”