Departamenti i Mbrojtjes i SHBA-së ka akuzuar presidentin rus Vladimir Putin se ka vepruar me “shthurje” apo “mëkate” në taktikat e përdorura për pushtimin në Ukrainë.

Zëdhënësi John Kirby u pa teksa u përfshi nga emocionet teksa ngriti pyetjen se si dikush me “moral” mund të justifikonte mizoritë e kryera nga Rusia.

Por ambasadori rus në SHBA, Anatoli Antonov, e ka hedhur poshtë akuzën.

Ai e përshkroi komentin e Kirby si “fyes dhe të papranueshëm”.

Presidenti ukrainas Volodymyr Zelensky tha të premten se ishte ende i hapur për bisedimet e paqes me Putin.

Por ai tha se ekzistonte një rrezik i lartë që ata mund të shkatërrohen nga agresioni rus.

Duke folur për mediat polake, Zelensky tha se donte të takonte Putinin sepse “një njeri i vetëm vendos gjithçka” në Rusi.

Por shkatërrimi i lënë nga forcat ruse në zonat e pushtuara e ka bërë çdo diskutim të pafuqishë, tha ai.

“Pas masakrës në Bucha dhe Mariupol, njerëzit thjesht duan t’i vrasin. Kur ka një qëndrim të tillë, është e vështirë të flitet për diçka”

Joel Gunter i BBC-së në Kiev tha se ka prova në rritje se Rusia ka deportuar me forcë një numër të madh civilësh përtej kufirit që kur pushtoi vendin në shkurt.

Ministri i Jashtëm rus Sergei Lavrov tha në një intervistë të publikuar të shtunën se më shumë se një milion njerëz janë evakuuar nga Ukraina në Rusi që nga fillimi i luftës në shkurt.