Deputeti Enkelejd Alibeaj e quan veten shumë dinjitozë në procesin për zgjedhjen e presidentit, për faktin se ka pranuar që të ulet në tryezën e kryetarëve.

Edhe pse nuk guxon të japë emra të kandidatëve të mundshëm, edhe pse po shkohet drejt raundit të dytë të votimit, Alibeaj foli me superlativa për rolin që po mban në këtë proces.

Enkelejd Alibeaj në mbledhjen e Konferencës së Kryetarëve:

Në një proces të tillë e rëndësishme është si hyn, ne kemi menduar që të hyjmë dinjitozë, se menduat që nuk do të merrnim pjesë, se menduam se do të bëheshim fasadë, deri tani kemi qenë dinjitozë. Në një situatë të tillë, kur mazhoranca i ka të vjedhura votat, për ta zgjedhur presidentin në raundin e katërt dhe të pestë.

Ne e dimë ju i keni 71 vota, gjithkush e di fare mirë se çfarë legjitimiteti keni ju për ta zgjedhur presidentin, ne bëmë këtë hap për të dalë nga kulisat, ne përcaktuam disa kritere dhe vlera, për të cilat duhet të bjemë dakord. Për të qenë një proces që të mos shndërrohet në një lojë, dëshira për të luajtur me brishtësinë e opozitës, kjo sfidohet duke u bërë pjesë e procesit.

Disa kërkesa elementare duhen, që o bëhen ose nuk bëhen në tre raundet e para, Kushtetuta fatkeqësisht, kërkon 84 vota vetëm në 3 raundet e para. Që ne të sfidojmë duhet të ketë një shprehje qëndrimi për qëndrimin tonë nga ana e mazhorancës.