Prej pak javësh, Rusia po tenton të implementojë rregullat dhe qeverisjen e saj në zonat e pushtuara.
The Guardian raporton se Presidenti rus, Vladimir Putin, ka nënshkruar një dekret që thjeshton procesin e dhënies së shtetësisë ruse për banorët e rajoneve Kherson dhe Zaporizhzhia.
Këto janë zona ukrainase por që pas nisjes së luftës janë pushtuar nga ushtria ruse.
Dekreti shtrin një skemë të disponueshme që nga viti 2019 për banorët e zonave të kontrolluara nga separatistët e mbështetur nga Rusia në rajonet Donetsk dhe Luhansk të Ukrainës për të marrë nënshtetësinë dhe pasaportat ruse.
Rajoni jugor i Khersonit është nën kontrollin e plotë të trupave ruse, ndërsa rajoni juglindor i Zaporizhzhia kontrollohet pjesërisht nga Moska. Moska ka thënë se të dy rajonet mund të bëhen pjesë e Rusisë.
