Dy motra 24 dhe 17 vjeç janë djegur me acid gjatë natës në Napoli.
Ato kanë qenë duke ecur në rrugë, kur iu afruan vajzate tjera, të cilat pa ndonjë arsye iu kanë hedhur acid dhe më pas janë larguar me tre skuter. Viktimat e agresionit, kanë pësuar djegie në fytyrë dhe krah, ndërkohë që pritet të merren në pyetje në orët në vijim.
Hipoteza më e mundshme për momentin është se ishte një hakmarrje mes të rejave.
Motra e madhe ka pësuar djegie në faqen dhe krahun e majtë, ndërsa motra e vogël ka pësuar djegie në faqen e djathtë dhe hundë.
Hetimet, të paktën për momentin, duket se nuk mund të shfrytëzojnë pamjet e kamerave të sigurisë, duke pasur parasysh zonën ku ka ndodhur ngjarja.
