Identifikohen dy autorët e dyshuar të grabitjes së bankës së një filiali banke në Koplik 3 javë më parë.

Burimet e “Fax News” bëjnë me dije se Klevis dhe Bekim Gurraj, janë dy vëllezërit nga Bajza, të dyshuar për grabitjen e bankës në Koplik të Malësisë së Madhe.

Bëjmë me dije që policia në total ka shoqëruar 15 persona dhe ka ndaluar dhe ka arrestuar dy vëllezrit ndërsa po punohet gjithashtu për ndalimin e dy të dyshuarve të tjerë.

Nderkohë në orën pritet që policia vendore e Shkodrës dhe Prokuroria të dalin me një komunikatë për shtyp lidhur me këtë ngjarje.

– Ngjarja –
Grabitësit e armatosur deri në “dhëmbë” dhe të maskuar kanë hyrë në një bankë të nivelit të dytë në Koplik dhe kanë marrë paratë e arkës. Burimet bëjnë me dije se grabitësit kanë marrë 10 mijë euro, 1 mijë dollar dhe rreth 4 milionë lekë të vjetra.

Pasi grabitësit morën paratë nga banka ata janë larguar me një automjet tip “Wolsvagen” të cilën e kanë djegur në dalje të qytetit dhe më pas nën kërcënimin e armës ndaj shoferit të një prej automjeteve që po kalonte në rrugë, kanë arritur të marrin një makinë tip “Benz” dhe të largohen nga vendngjarja.