Deputeti socialist Erion Braçe ka mbajtur një fjalim me tone të forta në Kuvend, në lidhje me rritjen e çmimeve dhe inflacionit në vend.

Braçe u shpreh se vendimi i qeverisë për të rritur nivelin e pagës që nuk taksohet në 50 mijë lekë, është një hap i vonuar, dhe i kërkuar prej tij 5 muaj më parë, kur u prezantua dhe paketa e re fiskale.

Socialisti tha se në politikën në Shqipëri, fjala e deputetëve është kthyer dhe shndërruar në diçka të pavlerë.

“Unë mendoj se inflacioni, çmimet e rritura po na japin shenja të problemeve të prodhimit. Që reflektojnë faktin që po importojmë mallra dhe shërbime që duhet ti prodhonim në vend për shkak të burimeve që kemi dhe fuqisë punëtore të ulët.

Hapësira fiskale është ezauruar, duhen të ardhura shtesë, të ardhura pa prodhim nuk mund të ketë, të ardhura pa taksa të drejta nuk mund të ketë. Tatojmë në mënyrë të sheshtë të ardhurat er kapitapit.

U gëzova që do zerohen taksat për pagat deri në 50 mijë lekë, disa muaj pasi e zeruam për taksat 40 mijë lekë dhe iu thashë që duhet të kishte një zgjerim të fashës prej atëherë. Ka vlerë fjala këtu? A ka vend fjala në këtë vend?”, u shpreh Braçe.