Aksidentit që ndodhi dje në Berat, ku mjeti që drejtohej nga Klaudja Xhaferraj humbi kontrollin dhe përfundoi në lumin Osum. Si pasojë e aksidentit humbi jetën vetë e reja, dhe fëmija i saj 6-vjeçar.

Mjeti tip ML që drejtohej nga Xhaferraj, nuk është përplasur me asnjë makinë tjetër, por ka humbur kontrollin dhe më pas ka thyer kangjellat.

Në krahun e fëmijës së mitur është konstatuar një vigon, çka shton dyshimet se ai po dërgohej në spital në momentin që ka ndodhur aksidenti fatal.

Pavarësisht ndërhyrjes së dhjetra qytetarëve beratas, nxjerrja e nënës dhe djalit ka qenë e pamundur.

Mjeti që drejtohej nga Xhaferri ka qenë duke qarkulluar në rrugën kryesore në anë të Osumit, në momentin kur pasi ka kaluar trotuarin dhe kangjellat, ka përfunduar në lumë.

Janë dashur për rreth 15 minuta që qytetarët e shumtë të pranishëm në vendngjarje, me mjete rrethanore të nxirnin nga mjeti nënën dhe fëmijën. Po ka qenë tepër vonë për ta, pasi kanë ndërruar jetë.