Anëtarët e PD në Komisionin e Reformës Territoriale takim në Fier. Pjesë e këtij takimi ishte bashkëkryetarja e këtij komisioni Dhurata Çupi, anëtarët Pampuri e Korreshi si dhe kreu i grupit parlamentar të pd Enkelejd Alibeaj, deputet i qarkut Fier,deputetja Eralda Bano, ekspertë e qytetarë.

Gjatë fjalës së saj Znj. Çupi u ndal tek reforma territoriale, ajo ekzistuese e miratuar në vitin 2014 dhe paketa që pritet të propozohet në shtator.

“Përfaqsuesit e grupit parlamentuar të PD-së kemi marrë një iniciativë për të bashkëbisedur me qytetarët në të gjitha qarqet, me përfaqësues të qeverisjes vendore, me target grupet e ndryshme që kanë interes për reformën territoriale.

E kemi ndarë në disa faza, konsultimi me qytetarët, më pas dëgjesë në komisionin parlamentar, më pas ekspertët tanë do mbajnë shënim gjithë cfarë do të diskutohet, do ta finalizojmë në shtator, afati fundit me 30 shtator për reformën e re territorial. Është reformë e paplotësuar, në kufijtë e dështimit, u miratua pa konsensusin e opozitës dhe pa konsultim publik”-tha Çupi.

Për Enkelejd Alibeajn, kjo është një ndër cështjet bazë të aksionit opozitar.

Anëtarët e këtij komisioni Korreshi e Pampuri si dhe deputetja Bano u ndalën tek problematikat që shoqërojnë sot qytetarët.

Eksperti Roland Bejko ka theksuar se ky është momenti për të korigjuar një ndër reformat më të rëndësishme e të qenësishme pasi ka të bëjë me demokracinë.

Me pas takimi vijoi me diskutime nga të pranishmit e propozime konkrete se si e shohin ndarjen aktuale administrative e ndërhyrjet që mund të bëhen në hartën territoriale.