Drejtori i policisë së Shtetit, Gledis Nano ka shkarkuar nga posti i drejtorit të policisë kriminale, Tonin Vocajn.

Mendohet se vendimi ka ardhur si pasojë e atentatave të ndodhura në vend kohët e fundit, konkretisht në Fushë-Krujë dhe Laç ku ka pasur përplasje të ashpra mes bandave kriminale dhe ngjarjet ende nuk janë zbardhur.

Në vend të Tonin Vocajt, është emëruar, Neritan Nallbati i cili do të jetë drejtori i ri i policisë kriminale në vend.

Vocaj është emëruar zëvendës drejtor i policisë së Shtetit, në vend të Albert Dervishajt. Ky i fundit do të transferohet në akademi. Ndërkohë vendi i drejtorit në policinë e Durrësit është vakant aktualisht, pasi Nallbati mbante këtë post më herët.