Një 57-vjeçar nga Fieri është vënë në pranga në Peqin pasi është kapur duke vjedhur në një banesë.
Ai tentoi të futet në banesën e një shtetasi i cili është emigrant dhe nuk ndodhej në shtëpi.
Por në momentin kur është futur në banesë, 57-vjeçari është përplasur me personin që ruante shtëpinë, shtetasin A.M.
Njoftimi i policisë:
Specialistët e Seksionit për Hetimin e Krimeve në Komisariatin e Policisë Peqin arrestuan në flagrancë shtetasin P. Z., 57 vjeç, banues në Fier, për veprën penale “Vjedhja me dhunë”, mbetur në tentativë, pasi ka tentuar të vjedhë në banesën e një shtetasi (në emigrim), e cila ishte në ruajtje nga shtetasi A. M. 57-vjeçari gjithashtu goditi me grushte shtetasin A. M. gjatë tentativës për të vjedhur në banesë.
Materialet hetimore i kaluan Prokurorisë, për veprime të mëtejshme procedurale.
