Kryeministri, Edi Rama ka qenë i pranishëm sot në mbledhjen që po zhvillohet për planin e menaxhimit të mbetjeve, ku ka përmendur kryebashkiakun e Himarës, Jorgo Goron, duke thënë se ky i fundit ishte zgjuar nga gjumi pas kritikave të bëra herën e kaluar përsa i përket pastërtisë.

Edi Rama: Ne sot jemi në 90% të grumbullimit të mbetjeve dhe kemi akoma një sasi relativisht të vogël që mbetet ende pa grumbulluar por duhet trajtuar si problem i madh. Gjatë këtij viti është bërë një punë e jashtëzakonshme që është shndërruar në sezonin më të pastërt turisik. Dua të përmend Himarën, nuk po e shoh kryebashkiakun se di a është këtu. Dua ta përmend si histori suksesi dhe nuk do isha habitur nëse nuk ishte këtu. Se ka qenë gjithmonë këtu kur ka ngrënë dru publikisht nga unë. Ka pasur një zgjim nga kryebashkiaku i Himarës.