Kreu i Sindikatës së Punonjësve së Universiteteve Sandër Kovaçi u kërkoi dekanëve gjatë fjalës së tij në protestë që të mbledhin asamblenë e brendshme për diskutime në lidhje me plotësimin e kërkesave të profesoriatit.

Ai u shpreh se pedagogët kanë nevojë për n jë mbështetje të veçantë ndërsa shtoi se asnjë prej tyre nuk mund të shantazohet me vetting. “Të mos mbledhësh asamblenë do të thotë që ke frikë nga debate publik brenda punonjësve të tu”, tha ai.

“Nuk do lejojmë që universitetet të nëpërkëmben. Do vazhdojmë qëndresën tonë për të sqaruar publikun. Përgjegjësia të jetë e qeverisë. Si e tillë mënyra më e drejtë e përdorimit të buxhetit është zhvillimi i arsimit. Atëherë kur ata që do vijnë do e çojnë aty ku duhet përqindjen e GDP-së për arsimin atëherë mund të themi se arsimi do marrë një zhvillim të caktuar mund të bëjmë një kthesë për të ardhmen e këtij vendi.

Ju garantoj se asnjë pedagog nuk mund të shantazhohet me vetting se të gjithë jemi të pastër. Ka persona që mund të abuzojnë me detyrë që janë në minorancë. Kërkojmë vlerësim të profesoriatit që pedagogët të mos lëvizin për të punuar ekstra si lypës. Ne e sugjerojmë këtu para jush cila do ishte mënyra më e duhur. Ka pasur propozime nga më të ndryshmet.

Këto çështje ekzistojnë nuk mund të bëjmë sikur nuk ekzistojmë. Përgjegjësia e para do të jetë votimi i drejtuesve dhe turpi për rënie të lirë të universiteteve publike. U bëj thirrje të bashkohen me ne. Të mos mbledhësh asamblenë do të thotë që ke frikë nga debate public brenda punonjësve të tu. U kërkoj dekanëve të mbledhin asambletë. Duam një përkrahje të veçantë dhe është një moment final vazhdimi i kësaj proteste për plotësimin e kërkesave. Nëse dekanët nuk do e ndërmarrin.

Nuk duam mbledhje si ai te Pyjet që mbledh asamblenë në kohën e protestës. Më mirë të vijnë në protestë se të bëjnë mbledhje asambleje ditën e protestës. Ju faleminderit dhe vërtetë të jemi të gjithë solidarë pë rata që kanë mbështetur këtë protestë dhe për mediat që ka qenë me ne që ka kuptuar si është gjendja e universiteteve. Retorikat politike t’i mbajnë për vete si opozita ashtu edhe qeveria. Ne kemi të vetmen kërkesë të zhvillojmë arsimin e lartë publik”, deklaroi Kovaçi.